أرجو المساعده أعضاء فريق السودان

[muhammed ibrahim]

السلام عليكم أعضاء لوكو السودان ):P):P

و مشكورين على مجهوداتكم المدهشة
أنا مستخدم جديد لاوبنتو اترفت عليو قبل فترة بسيطة و عجبني جدا و عجبتني فكرة البرمجيات الحرة لانها اكتر حاجة محتاجين ليها في بلدنا بس للاسف معرفتنا بيها قليلة جدا جدا جدا , و محتاجة تعريف و اعلام أكتر.
صادف اننا عملنا موقع يستهدف طلاب هندسة بكل الجامعات و هدفو تطوير فهم المهندس من الارتقاء بمستوى تفكيرو الى الاحسن. و من ضمن الموقع منتدى يهتم بطرح المشاريع و تبادل الافكار و تنفيذا على ارض الواقع.
كان أول مشروع مطروح هو عبارة عن اسبوع للتعريف بالبرمجيات الحرة -و هو أول اسبوع في السودان على حد علمي – بس واجهتنا مشكلة واحدة و هي قلة الناس العندهم فكرة كافية بالبرمجيات الحرة في كليتنا و اتفق الفريق العامل انو ماف أفضل من لوكو السودان عشان يقدم اسبوع ناجح و تعريف شامل بالبرمجيات الحرة , و ياريت كل حد عندو المقدرة يجينا في كلية الهندسة جامعة السودان و يشاركنا الاسبوع و ما يبخل على البلد بالمعلومات العندو و الافكار الممكن يقدما
ممكن تتواصلو معاي هنا أو بالبريد :
mhdforums@gmail.com
او بالتلفون

0927176467
محمد ابراهيم خالد – جامعة السودان كلية الهندسة الجناح الجنوبي -

[suspect x]

وعليكم السلام اخ محمد
فكرة ممتازة جدا ، وانا اتمنى اشارك لكن للاسف زمني ضيق جدا جدا جدا واتمنى الشباب والشابات هنا يتعاونوا عشان تكون مبادرة ممتازة

[muhammed ibrahim]

اتمنى انها تكون مبادرة ناجحه لقناعتي القوية بضرورة قيام اسابيع تعريفية بالجامعات لانهم الاقرب لانو يفهمو معنى ب.ح
تسلم كتير ^_^

[ahmednsry]

أنا برضو عندي نفس الفكرة

[zero-n]

السلام عليكم

كلام جدا يا شباب و ربنا يسهل ليكم بالنسبه لي انو دي اول ندوه عن البرمجيات الحره تقربا على ما اتذكر ( ذاكرتي ضعيفه ) الهيئه القوميه للاتصالات قبل فتره كان فيها ندوه عن البرمجيات الحره و اسسو تجمع يهدف لي نشر البرمجيات الحره و الاستفاده منها

[muhammed ibrahim]

الحمد لله الامور ماشة تمام التمام
و الاسبوع ح يقوم الثلاثاء الجاي ان شاء الله , يا ريت تشاركونا يا شباب

[muhammed ibrahim]

شكرا ليك respectx
تشرفنا انك تجينا في الجنوبي ان شاء الله
أحمد الموضوع ما خطير شد حيلك و ح يبقى ان شاء الله :)