مشكلة ظهور الحروف العربية مفككة

[sallam]

بسم الله الرحمن الرحيم

يسعدنى أن أكتب أول مرة فى هذا القسم الجميل - وأشكر كل من يساهم فى مساعدة متحدثى العربية - جزاكم الله خيراً
أنا جديد فى أوبونتو - جربته كام مرة زمان لكن لقيته صعب - لكن رجعت له قريب وإندهشت لسهولته وجماله دلوقتى عن زمان

المشكلة اللى مش ﻻقى لها حل هى الفونت العربى - سواءاً فى الكتابة فى برامج زى
gedit
أو فى فايرفوكس
الحروف العربى بتظهر غير مترابطة - مش كلها لكن مثﻻً الﻻم الف
وفيه مواقع بتظهر فيها مربعات بدل بعض الحروف العربى - مثل الموقع التالى
http://www.quranexplorer.com/quran/

أما فى فيديوهات يوتيوب نجد الكﻻم العربى فى العناوين أو التايتلز مفرط كل حرف لوحده وساعات بالمقلوب
ياترى ماسبب كل تلك المشاكل؟
وهل هناك حل لها من فضلكم؟

مع جزيل شكرى وإمتنانى

[thelinuxer]

رأى الشخصى إنها مشكلة مصصمين المواقع دايما بيجربوا على الإنترنت إكسبلورور بس .
مثلا شوف موقع المصرى اليوم
http://www.almasryalyoum.com/
العربى شغال فيه زى الفل عشان أغلب المطورين إللى شغلين فيه بيستخدموا لينكس

بالنسبة لgedit هو المفروض يشتغل كويس
ممكن تكون محتاج تنزل فونتات بس مش متأكد إيه المشكلة عندك بالضبط.

ممكن تجرب تنزل ubuntu-restricted-extras
إفتح Ubuntu Software Center
بعد كده من المنيو
Edit -> Software Sources
و علم على Software restrcited by copyright or legal issue (multiverse)
بعد كدة close

بس كدة. دور على الباكيدج إللى إسمها ubuntu-restricted-extras
و ديه حتنزل فونتات ال كوديكس و حاجات تانية.

و إبقى قوللى لو حصلك مشاكل
سلام :)

[sallam]

ألف شكر على اﻹهتمام والرد - فى الحقيقة الباكدج دى أنا منزلها من قبل - لكن لم يحدث أى تحسن
حتى وأنا بأكتب هنا - أنا شايف الﻻم الف مفككة
ممكن من فضلك تعمل
print screen
للبوست بتاعى دة وترفعه هنا عشان أشوف حضرتك شايف الﻻم الف مفككة ولﻻ مترابطة؟
وكمان لما أكتب كلمة إنجليزى وسط سطر عربى يتلخبط ترتيب الكلمات كلها - فأضطر كل مرة إنى أضع الكﻻم اﻹنجليزى فى سطر لوحده
هل المشكلة دى عندى بس؟
مثال
واحد two ثﻻثة
السطر دة كتبته: بالترتيب من واحد لثﻻثة لكن عشان كتبت اثنين اﻹنجليزى الكﻻم ظهر بترتيب عكسى
وكمان كلمة ثﻻثة حرف الثاء فيها مش ماسك فى حرف الﻻم الف

[thelinuxer]

اتفضل يا باشا ال screenshot
أنا كمان خدت صورة لgedit إللى عندى
بالنسبة لموضوع الجملة إللى فيها كلمة إنجليزى فده عيب فى vbulletin

[sallam]

ألف شكر على تعبك
الصورة واضح فيها إن انت شايف برضه الﻻم الف اللى انا كتبتها هنا مفككة - مثﻻً ثﻻثة مفككة
لكن الغريب إن لما انت بتكتب "مثﻻً" فى البوست هنا بتظهر مترابطة صح - كما فى البوست بتاعك فوق

ومعلش ولو فيها تعب - بالنسبة ل
gedit
الكلمة اللى كتبتها أساساً مش مترابطة: طوﻻن - ﻹن الواو زى مانت عارف ﻻ تشبك فيما بعدها
لكن لو كتبت كلمتين زى: "ثﻻثة مثﻻً" ياترى حتظهر مترابطة فى
gedit ?




تعديل:
آأأه - هو انت لما بتكتب "ﻻ" بتكتبها "ا" و "ل" ؟ ولﻻ بتستخدم زر واحد "ﻻ" اللى موجود مع حرف
B?
أنا إكتشفت دلوقتى بس إنى لو كتبتها حرفين الف وﻻم بتظهر صح: مثلاً ثلاثة
أما لو استخدمت زر واحد "ﻻ" بتظهر غير مربوطة بالحرف اللى قبلها: مثﻻً ثﻻثة

[thelinuxer]

بالضبط أنا بكتبها حرفين مش حرف واحد

[Jonathan2]

It is like Ahmed said the major problem in designers and developers they do it in the old way IE way.

Jonathan.

[picolo33]

قم بتحميل هذا الملف:
من هنا (http://skeleton.eel.googlepages.com/lam-alef_fix.tar.gz)



‫ستجد ملف install إضغط عليه و اختر ‪ run in terminal‬ثم اكتب كلمة مرور الجذر الروت
‫و بعد تثبيت السكربت قم بعمل تسجيل الخروج لتفعيل الرقعة‬.

المصدر
(http://ubuntuwd.com/vb/showthread.php?t=1756)

[mr.eslamo]

Dear all

For The quraan Site please download the fonts package and run this commands to install it

http://www.4shared.com/file/jvf9xEjA/fontstar.html

sudo cp PDMS_SindhiMansehra.ttf /usr/share/fonts/truetype/msttcorefonts/
sudo cp PDMS_Saleem_QuranFontQEShip.ttf /usr/share/fonts/truetype/msttcorefonts/
sudo cp PDMS_IslamicFont.ttf /usr/share/fonts/truetype/msttcorefonts/

This will solve your problem ISA

[ahmed.mamdouh]

الحروف العربي بتظهر عندي برضه بالمقلوب في الموقع ده مثلا
http://www.shorouknews.com/
شوفو الكلام اللي بيبقى مكتوب فوق الفيديو
ياريت لو حد عنده حل يقول
وعلى فكرة مشكله اللام واللالف اتحلت عندي الحمد لله

[ahmed.mamdouh]

قم بتحميل هذا الملف:
من هنا (http://skeleton.eel.googlepages.com/lam-alef_fix.tar.gz)



‫ستجد ملف install إضغط عليه و اختر ‪ run in terminal‬ثم اكتب كلمة مرور الجذر الروت
‫و بعد تثبيت السكربت قم بعمل تسجيل الخروج لتفعيل الرقعة‬.

المصدر
(http://ubuntuwd.com/vb/showthread.php?t=1756)

تمام زي الفل ..ربنا يخليك