Something together!

[Adntu]

السلام عليكم
فكرت انو نعمل حاجة صغيرة مع بعض.
زيرو-ان كان طلب المساعدة في ترجمة دليل اوبنتو, انا (وربما آخرين) بدات ولم اواصل.
فكرت ان نضع برنامج جماعي للترجمة (بسيط وواقعي وسهل التنفيذ), كل من يشترك عليه ان يقوم بترجمة عدد محدد من الجمل كل اسبوع.
ويقوم شخص بالتنسيق والمتابعة.
اذا وافقتكم الفكرة فاقتراحاتي هي:
- 5 جمل اسبوعيا
- المنسق زيرو-ان
رايكم شنو؟

*واحد من اهداف الفكرة انو نعرف بعض اكتر وننظم نفسنا اكتر ونتعود على الشغل الجماعي المهم.

[zero-n]

This is great idea and i can help in that no doubt.

There are alot of projects that don't have Arabic translation, it's Arabic translation is not that good

or the translation is not completed.


Okay let's start suggesting a project to translate.

[yasir.elsharif]

I am with you guys
go on

[zero-n]

Any suggestions ?

[Adntu]

This is great idea and i can help in that no doubt.

يسعدنا ان قائد الاسطول قد اعجبه اقتراح شخصنا متوسط الوزن.




Okay let's start suggesting a project to translate.
Let you suggest us!

فانت امير هذه القافلة, اقترح شيئا ودعنا نرى.
ولك التحيات

[Adntu]

شكرا ياسر, ياها المحرية فيك.

[Adntu]

بعد سماع خطاب بداية المشروع الذي القاه قائد الحرس الوطني, وبعد ان ارسلت البصر كرتين او يزيد في المشاريع الحالية, توصلت الى اقتراح بالبدء بهذا البرنامج:
https://translations.launchpad.net/ubuntu/lucid/+source/xz-utils/+pots/xz/ar/+translate


تقدم الطعون في فترة وجيزة, فان لم يعترض احد بدانا متوكلين على القوي العزيز.

[yasir.elsharif]

What about Evolution?
I really like that program

[Adntu]

على سبيل دفع عجلة سلام الشرق الاوسط قمت بترجمة اول 10 جمل في
البرنامج الموضح اعلاه.

انا اخترت برنامج صغير يا ياسر حتى لا نعجز. لمن نبدا بحاجة صغيرة وننجزها حيعجبنا الانجاز وتزيد ثقتنا في نفسنا وتعودنا على العمل الجماعي, بعدداك ممكن نمش لحاجة كبيرة.

طيب, ارجو انو كل زول يترجم 5 جمل من الملف الفوق. التسليم بنهاية يوم الجمعة الجاي ان شاء الله فالناس تحرص.
مبدئيا ممكن الزول لمن يعمل الواجب بتاعو يجي يبلغ هنا, لحدي ما نشوف طريقة افضل للمتابعة.
مع الشكر والتحيات

[abdoamcig]

Dear Adntu That's great project ya man,, But I'm not in Sudan now, I well be there on June,,,

To that time see you all and I well participate in this great work,,

Go on guyz that's so great ,, allah bless you all ..

Regards,
Abdulatif

[Adntu]

السلام عليكم عبدو
ترجع بالسلامة ان شاء الله.
هل انت بتقصد انك ما حتشارك هسي لانو ما عندك وكت ولّ حاجة تانية؟
عشان اتاكد اني ما غلطت في التعبير (بسبب لغتي المخستكة) ووصلت حاجة تانية, خليني اوضح المشروع مرة تانية:
نريد الاشتراك في ترجمة برامج ومستندات اوبنتو الى العربية. الترجمة الان محصورة على المترجمين المعتمدين, من عداهم له ان يقترح ترجمة تراجع بواسطة المترجمين.
مشروعنا في اوبنتو السودان ان يترجم كل شخص 5 جمل اسبوعيا من هذا البرنامج:
https://translations.launchpad.net/ubuntu/lucid/+source/xz-utils/+pots/xz
بنهاية يوم الجمعة نتمنى ان يؤكد لنا كل واحد من الاخوة المشاركين انه قد قام بترجمة الجمل الخمس الاسبوعية, اعلامنا يكون بالرد على هذا الخيط, ساضرب مثالا بنفسي بعد اكمال ترجمة الخمس جمل ان شاء الله.
والتحيات

[Adntu]

اكملت ترجمة ال 5 جمل لهذا الاسبوع, بانتظار مراجعة المترجمين.

[yasir.elsharif]

أملكت الواجب

10 جمل في إنتظار المراجعة

[Adntu]

مشكور يا ياسر. نخدمك وانت عريس, واذا متزوج تخدمنا ونحن عرسان.
وين البقية؟ وين زيرو-ان؟ وين الملايين؟ الشعب العربي وين؟

[abdoamcig]

السلام عليكم عبدو
ترجع بالسلامة ان شاء الله.
هل انت بتقصد انك ما حتشارك هسي لانو ما عندك وكت ولّ حاجة تانية؟

Thanks for asking dear Adntu, Yeah I'm little busy now, I well finish my work and came back home on 2 of June.

So to that time you must have 500 translated sentence at least, It's a competition between us and others Arabic nationalities, Let me thank you again .. keep it up.

Respects,
Abdulatif

[Adntu]

يبدو ان الشباب كلهم ما حافظين وخافوا من الجلد.
ما مشكلة, نحاول الاسبوع الجاي ان شاء الله.

غايتو نحاول يا عبدو, الله كريم

[ejlal]

يبدو ان الشباب كلهم ما حافظين وخافوا من الجلد.
ما مشكلة, نحاول الاسبوع الجاي ان شاء الله.




سلام عليكم

انا ما حافظة عشان كده ماااااااااااااجيت..ووقت فيها جلد الحمد لله اني ما جيت:lolflag:

الفكرة جميلة واي شيء بس انا لقيت البرنامج الاخترتو لينا صعب كلو رموز غريبة..وبما اني لي يوم الليلة ما فهمت ولا حاولت افهم البرنامج الحيلمو بيهو الترجمة..لاتيكس ولا شنو كده....زول يورينا كيف نتعامل مع الرموز...وان شاء الله نجي حافظييييين الاسبوع الجاي
):P

[Adntu]

الله مرقك يا اجلال, انا ما قعد العب في التسميع :)

ياخي بالغتي شديد, كان تقولي كلامك ده من بدري وتقولي انو في مشكلة في البرنامج.
طيب في المستقبل تعملي شنو؟ شفتي الرموز, انقليها زي ما هي وترجمي الكلام. ياخ الحاجات الانا ترجمتها كلها ما فيها شئ صعب وحاجات عادية جدا جدا.
على كل ارجو انك تحاولي معانا الاسبوع ده, وما ضروري الترجمة تكون بالترتيب اي خمسة من اي مكان.
مشكورة علي اية حال والاعمال بالنيات.
بعدين مافي اي برنامج في الموضوع, لاتش شنو؟
ما عليك الا انك تدخلي في لونشباد وتترجمي طوالي, مافي برامج كلوكلو.

[Adntu]

اكملت الخمسة لهذا الاسبوع.
وين ياسر؟ وين اجلال بعد التوضيحات؟ وقبل ده كلو وين زيرو-ان؟
اصحى يا نائم وحّد الدائم!

[ejlal]

وين اجلال بعد التوضيحات؟




السلام عليكم، كيف الحال و الاحوال؟
انا هـــــــــــنا والحمد لله اخيرا..تـمـــــــــــــــــيت الـــــــــــواجـــــــــــــــب..:guitar:
لقاءنا الاسبوع القادم انشاء الله

مع السلامة):P

[yasir.elsharif]

سوري للتأخير
اكملت الواجب وزوغت من الجلد

[Adntu]

مشكورة يا اجلال, الله يديك العافية.
ولك وسام الخدمة الطويلة والشاقة (حالتو ده اول اسبوع ليك فشوفي)

والف شكر يا ياسر, الناس الحرفاء دائما بحصلوا البص لمن يكون داير يتحرك.
وسام النجمة الخضراء من الطبقة الاولى.

وينك؟ انت لو ما كنت الرئيس .zero-nيا
كان يكون لنا معك يا ابو الشباب شأن اخر.
المهم تكون طيب وشديد .

[Adntu]

اكملت ال 5 لهذا الاسبوع.

[ejlal]

سلام

انا كمان تميت الواجب

[yasir.elsharif]

إزيكم،
وانا كمان كملت الواجب الاسبوعي
:popcorn:

[Adntu]

اهلا ياسر
حالتي انا قلت الاسبوع ده ياسر مجلود مجلود, الله مرقك المرة دي.
مشكورين يا شباب, يديكم العافية.

[Adntu]

السلام عليكم
اكملت الخمسة لهذا الاسبوع.
الاسبوع ده جلد ولّ كيف؟

[yasir.elsharif]

أكملت 2 فقط هذا الاسبوع
وبصعوبة شديـــــــــــــــــــــــدة
عزراً

[Adntu]

اهلا ياسر
مشكور.
ولا يهمك, اصلا آخر البليلة حصحاص.
يبدو انو الحصحاص كلو اتجمع لاجلال :)

يا اجلال اذا كان دي المشكلة اخير تظهري وتقولي, بعدينك باب الاعذار بتقفل.

بصراحة انا كنت مفروض اترجم الحاجات الصعبة دي, لكني كنت مشغول فاخترت الساهل ساهل, معليش.
المهم هسي بدينا نتعلم شوية شوية ونطور عملنا الجماعي. بعدين استفدنا قانون الجلد :)
نقطة لحفظ التنسيق

[yasir.elsharif]

أها الجديد شنو
شكلو الباقي دا إلا تتمو براك
إقتراحات؟ برامج جديدة؟

[Adntu]

سلامات يا شباب والف شكر
بكده يكون اول ملف انتهى, جاء الان وقت توزيع الميداليات والجوائز:-
ياسر: نوط الشجاعة والعمل المميز, مع وسام الكرة الذهبية.
اجلال: وسام الخدمات الاجتماعية و الطبق الاخضر للحفاظ على البيئة.
ويا اجلال خلاص تعالي, مافي جلد مع الاحتفالات دي.

بالنسبة للمشروع الجاي, زيرو-ان كان قال انو عندو لينا مشروع, انا رسلت ليو رسالة ولسع ما رد.
نديهو شوية ولو ما جا نبدا برانا ان شاء الله.
سينضم الينا ان شاء الله لاعبين خطيرين قريبا

[zero-n]

great effort ya shaba w insha2 allah 6wale keda

& i am sorry for not having a time to help

but in the next project whatever it is i will help insha2 allah

thansk Adntu

slam

[ejlal]

السلام عليكم




يبدو انو الحصحاص كلو اتجمع لاجلال :)

يا اجلال اذا كان دي المشكلة اخير تظهري وتقولي, بعدينك باب الاعذار بتقفل.



حصحاص؟!!قول حجارصخور..ياخي من شدة ما صعب قلت اخلي باب الاعذار يقفل واجي اتجلد وخلاص:)




اجلال: وسام الخدمات الاجتماعية و الطبق الاخضر للحفاظ على البيئة.
ويا اجلال خلاص تعالي, مافي جلد مع الاحتفالات دي.




وسام، طبق ملون و كمان ما في جلد !! :guitar:معناها للضمان كده انا حا أتبع الخطة دي كتيييييييييير





بالنسبة للمشروع الجاي



اختارو لينا حاجة خالية من المطبات الهوائية...ولا جيبو سوط عنج!!:)

[Adntu]

اهلا يا زيرو-ان, وشكرا على التقريظ.
كنت قلت انو عندك اقتراح للملف الجاي؟
انا كنت بفكر نبدأ من الصفحة الاولى لانو شكلها البرامج مرتبة حسب الاولوية؟

[Adntu]

اهلا اجلال
غايتو المرة دي مرقتك الاحتفالات, تاني ما تسوي كده.

طبعا يا شباب ما تنسوا انوا نحن يادوبنا بنتعلم, يعني مافي مشكلة انو الناس تغلط مرات ومرات, المهم تجرب عشان تتعلم.
والما بغلط ما بتعلم, فياخ ما تلاوزو

بالنسبة لي سوط العنج اقتراح جميل اثنيه :)

نقطة لحفظ التنسيق

[Adntu]

سلام شباب
بالنسبة للمشروع الجديد انا اقترح ده:
https://translations.launchpad.net/ubuntu/lucid/+source/debian-installer/+pots/debian-installer-help/ar/+translate

طبعا انا فهمي انو نحاول نكون مفيدين الى اقصى حد, وذلك بانو نهتم بقدر الامكان باولويات فريق الترجمة, وانا اتوقع انهم مرتبين الملفات حسب الاولوية تنازليا.
اي افكار اخرى؟

شدو الحيل يا شباب, حنزيد الواجب الاسبوعي ل 6 جمل ان شاء الله.
زوغانات في جلد في, والكلام ليك يا المنطط عينيك.

اضافة:
الظاهر البرنامج مترجم بس محتاج مراجعة!

[Adntu]

سلامات يا شباب
الناس مستمتعة بالاجازة والنوم على ما يبدو :)
قريب ان شاء الله نبدأ البرنامج الجديد.

[Adntu]

سلامات ايها المؤجزون
طبعا انا كنت رسلت لمدير الفريق العربي اسالو عن اولوياتهم عشان نكون فعالين بقدر الامكان, شكلو مشغول شديد لانو يادوبو رد اليوم الصباح.
المهم قال لي انو الصفحة الاولى هي البرامج الاهم, بعدين طلب اني ارسل السؤال للقائمة البريدية عشان نوسع النقاش (انتو مشتركين فيها؟)
عليه, فالافضل انو نواصل في برنامج من الصفحة الاولى عشان الناس تصحى من النوم:
https://translations.launchpad.net/ubuntu/lucid/+source/evolution/+pots/evolution/ar/+translate?show=untranslated

بين يديك Evolution يسعدني يا ياسر اني اقول ليك انو حلمك اتحقق :) وهاهو
ارجو انو الناس تنطلق مرة اخرى, هذه المرة بانضمام زيرو-ان وعبدو.

ارجو من احد الاعضاء توضيح قانون الجلد للمنضمين حديثا عشان يكونوا على بينة من امرهم.

[Netcowboy]

Eeeeeeeeeeeek now there's Somthing :D :lolflag:

I would love to do something useful

But I don't log in enough (cause the fourm was |"Fa'9i '7ala "|)

I've exams from 3/jul to 15/jul keda Enchalla b3da I'll be available
and please have a chat room or mail list or msn group something that we can "CATCH-up" with each other Quickly Thanks

Samer
):P

[zero-n]

ubuntu-sd IRC room

[Netcowboy]

ubuntu-sd IRC room

Ok , I'll Go there :P:lolflag:

tryn to get somthin to watch da algeria matach :P

[Adntu]

السلام عليكم
يبدو انك من الناس القدام هنا.Netcowboy والف مرحب بيك يا
بس انا قلت ارحب بيك عشان تتاكد انو البلد ما خلا.
ربنا يوفقك في الامتحانات ويسهلها عليك.
وما تنقطع.

[Netcowboy]

السلام عليكم
يبدو انك من الناس القدام هنا.Netcowboy والف مرحب بيك يا
بس انا قلت ارحب بيك عشان تتاكد انو البلد ما خلا.
ربنا يوفقك في الامتحانات ويسهلها عليك.
وما تنقطع.

walhi la gdeem la 7aja jet gbl fetra keda ma lgeet zool wa bgeet ma bji gbl km youm jet bftsh fe 7aja glta ashof aljded sheno lgetkm 3amleen sho'3l kwes

Masha allh walhi rbna ywfegkm :p

[Adntu]

السلام عليكم يا شباب
ناسف للجهجهة.
الحاصل اني حاولت انسق مع فريق الترجمة, الظاهر انهم مؤجزين الايام دي.
المهم, الاقتراح كان انو نبدا من الصفحة الاولى, واقترحت ايفوليشن كما موضح اعلاه.
المشكلة انو تدخل على الجمل الما مترجمة تلاقي فيها اقتراحات ترجمة!
فالقصة جائطة.
مشكور يا محمد شايفك مشارك بهناك.
ياسر واجلال, سلموا نفسكم لاقرب نقطة بسط امن شامل, اخير ليكم.

[yasir.elsharif]

سلامات
طيب ما نبدأ إقتراحات من جديد؟
ولا ننتظر....

[Adntu]

السلام عليكم يا شباب
طبعا المشروع وقف فترة طويلة, فانا ترجمت 18 جملة عن 3 اسابيع كنوع من العقوبة. مع انو الغلط ما مني براي لكن عشان اتعلم اكون منضبط اكتر في المستقبل ان شاء الله.
بالنسبة لي سؤالك يا ياسر, اتضح انو البرنامج لي جوة ما كلو مترجم,
انا ما عارف الشباب بتاعين فريق الترجمة ديل واقفين ولّ الحاصل شنو؟

ارجو انك تواصل يا ياسر, وزي ما قلنا 6 جمل في الاسبوع بدلا عن 5, حاول ولو اتنين بس.
زيرو-ان يدك معانا ياخ!
عبدو اها رجعت بالسلامة من السفر, راجينك!
نتكاوبوي قول بسم الله!
اما اجلال فاحسن تستفيدي من حقيقة اني لحدي هسي مطول بالي وتجي مارقة, بعدينك العقوبات بتزيد. اها نعمل ليك عرض خاص: باقي الاسبوع ده كمان اخديهو اجازة, وابدي ال 6 جمل من الاسبوع الجاي, قصرنا معاك؟!

اقتراح:
رايكم شنو يا ناس نعمل اجتماع دوري في اسكايب؟ منها نتعرف على بعض اكتر وننسق مشاريعنا افضل ونفقد احوال بعض كمان؟
شدوا الحيل وربنا يوفق.

[Adntu]

السلام عليكم
شنو الحاصل؟ الناس دي وين؟!

[ejlal]

السلام عليكم

كيف الاحوال؟
ادنتو بعتذر عن المشاركة في الوقت الحالي نسبة لاني مشغولة ببرنامج (دورة في شرح صحيح البخاري...و لو في اي زول دايرة يعرف عنها ممكن يرسل لي في الخاص وا نا ارسل ليهو المعلومات وهي دورة مفتوحة ويمكن متابعتها عن طريق النت....كنت ناوية اضع الروابط بس ترددت هل الناس حتقبل ولا لا فا العايز يرسلي وانا ان شاءالله ارسل ليهو الروابط) والدورة مستمرة لمدة شهر وبفترتين صباح(من 6:30-صلاة الظهر) ومساء(من5:00-10:30) فما عندي اي وقت غير اجي اتصفح شوية لمن افضي اما المشاركة في الترجمة ما بقدر حسي....ارجو انو كده عذري يكون مقبول واكون زوقت من العقوبة....و ان شاءالله اقدر اساهم في بقية المشاريع

[Adntu]

السلام عليكم
اكملت الست لهذا الاسبوع.
اتمنى الناس ما تنوم.

[Adntu]

السلام عليكم
اكملت الست لهذا الاسبوع.
شخير شديد! ليه يا ناس؟ معقول السخانة تسوي فيكم كده!

[Adntu]

السلام عليكم يا شباب
اكملت الست لهذا الاسبوع.
وينكم؟
سامر: الامتحانات انتهت, حمدلا الف على السلامة, مطلوب حضورك بشدة.
واقتراح القائمة البريدية جيد.
اجلال: الدورة العلمية بتاعتك انتهت, تقبل الله, يلا قولي بسم الله (طبعا في اتهام بتزوير في التاريخ, عفيناك منو).
ياسر: اعتبرناها ليك اجازة مرضية بدون مرتب, سمّي.
زيرو-ان: اتوقع انك نفس حالة سامر, فاذا امتحاناتك انتهت منتظرينك.
عبدو والاخرين من غير الطلبة: شنو الحاصل؟
انا فكرت في تفعيل اقتراح سامر ونعمل قائمة بريدية عشان الناس ما تتزاوغ.
الموضوع محتاج شوية نقاش عشان نحددو كويس؟.

[ejlal]

اجلال: الدورة العلمية بتاعتك انتهت, تقبل الله, يلا قولي بسم الله (طبعا في اتهام بتزوير في التاريخ, عفيناك منو).
.


السلام عليكم
كيف الاحوال؟
ادنتو...اتخيل مددوا شهركامل...ويادوب حسي مرت19 يوم بس...و بهذا يكون الاعفاء بتاعي ساري المفعول.

[Adntu]

السلام عليكم
اكملت الست لهذا الاسبوع.
موفقة يا اجلال, عذرك متين ومقبول.

هل اتاكم يا شباب نبأ القائمة البريدية؟
بالامس اكتشفت ان هناك قائمة بريدية لفريق السودان المحلي, وهي -بطبيعة الحال- تشكو قلة الفئران كما ورد في القصة التراثية*.
ارجو من الجميع المساهمة ببعض قطع البصل لاستحضار اكبر عدد ممكن من الفئران (ففئراننا لا تاكل الجبن, وهذا من المعلوم بالضرورة):
https://lists.ubuntu.com/mailman/listinfo/ubuntu-sd

*اتمنى ان الجميع يعرفون قصة الفئران حتى يفهموا ما اقصد, والّا فيمكنني ان اوضح كلامي

[Adntu]

السلام عليكم يا شباب
اكملت الست لهذا الاسبوع.
وينكم؟

[Adntu]

السلام عليكم يا شباب
اكملت الست لهذا الاسبوع.

رمضان مبارك, تقبل الله منا ومنكم الاعمال واعاننا فيه.
الناس الحصل عليها شنو؟
الهمة يا شباب

[Adntu]

السلام عليكم يا شباب
اكملت الست لهذا الاسبوع.

الغياب شنو؟ نوم شديد الظاهر!؟
اصحى يا نائم, وحِّد الدائم.

[Adntu]

السلام عليكم يا شباب
طبعا قد يكون خيل لبعضكم ان المشروع قد مات, بل هو حي لم يموت باذن الله, ونسال الله ان لا يموت يوما.
غبت لفترة طويلة حسبتها فوجدت انها 6 اسابيع! ومع ان عذري متين الا انني لا اقبله.
الان انا مشغول قليلا, وسارجع لهذا الامر لاحقا ان شاء الله.

انتو اعذاركم شنو؟؟

اكملت الست لهذا الاسبوع بالمناسبة.
حتى افرغ مما يشغلني فاعود باذن الله.