Why you aren't using our Local Arabic !

[yasir.elsharif]

سلامات الصديق أدنتو وبقية الشباب
لو ممكن اوضح وجهة نظري تاني شوية
1. اي عضو عندو الحق يفتح بوست جديد وباللغة العاوزها
2. يحبز -ولايجبر- الآخرين على الرد بنفس اللغة
3. انا شخصياً ضد فكرة الإستفتاء، الديموقراطية الميكانيكية أكيد ما هي الحل الأمثل في حالتنا لانو عددنا قليل والافضل الناس توصل لي فهم متجانس ولو بوجود حد ادنى من الاتفاق
4. ما في حاجة في الدنيا أجمل من الاختلاف والدليل انو نحن هنا في القروب دا بنمثل الاختلاف الحقيقي عن كل الناس اللي لقت نفسها بتستعمل في منتجات مايكروسوت وماشة على كدا
5. بعدين القروب دا يدوب في حالة نمو ونتوقع انو يبقى من القروبات الكبيرة، فنقول شنو للناس اللي لسة حاتجي، نقول ليهم نحن لاننا جينا قبلكم كان عندنا الحق انو نحدد اللغة بتاعت القروب دا وانتو ما عندكم خيار غير الوافقة او تعملو ليكم قروب تاني؟
يا أخواننا باركوها وخلينا "فريييييي" دا هو الجامعنا هنا في ابونتو وكل الانظمة المفتوحة
تحياتي ومعليش على البري "أصلي أسناذ وبتاع نقة"

[abdoamcig]

سلامات الصديق أدنتو وبقية الشباب

شكراً ليك يا ياسر .. والله فعلاً كلامك منطقي جداً .. وفي النهاية مهما عملنا مصيرنا نرجع للمنتدى ده ﻷنه هو الملهم والمعلم .. ومحاولات فتح موقع تاني أو كده .. ما هي إلا لزيادة مصادر التوعية ودعوة الناس للنظام الجميل ده ..

إحترامي وتقديري ..

[Adntu]

شكراً ليك يا راقي .. بس الإستفتاء ده لا بُد منو .. وعشان ما تكون في دكتاتورية .. أنا صوتي ليكم

مشكور يا عبدو.
تحياتي

[Adntu]

1. اي عضو عندو الحق يفتح بوست جديد وباللغة العاوزها
2. يحبز -ولايجبر- الآخرين على الرد بنفس اللغة

السلام عليكم ياسر
مشكور على الاراء والنقاش الجميل.
اسمح لي الفت نظرك لانو هناك الان موضوعين مطروحات للنقاش:
1- عمل منتدى لفريق السودان مستقل عن منتديات اوبنتو
2- موضوع اللغة المثلى لطرح المواضيع في المنتدى

في الواقع التركيز الان على موضوع المنتدى لان هناك من الاخوة من يري ضرورة انشاء منتدى مستقل, لهذا حاولنا ان نصل لراي حول هذا الامر (اعجبتني تنبيهاتك حول فرض راينا على من يأتي بعدنا وممكن ان نستصحبها في مناقشة مسالة اللغة).
وددت ان انبه انه لا يوجد اي فرض للراي, لا اظن ان من بيننا من يفرض رايه على الاخرين, هي مجرد نقاشات سعيا للاتفاق .
شكري ثانية على الافكار